unta walay nag-iyak sa kangitngit ang tanan puros mihagikhik..

adunay mga butang nga dili na
gayod mahangyo pa

labi na ang mga walay presyo

adunay mahangyo, kon ugaling
gusto nimong hangyoon,

unya kon dili gihapon itugot
imo man hinoong pugson

sakit paminawon nga bisan
og wala nanghangyo kanimo ang buwak

imo mang laging gikutlo gikan sa
iyang sanga nga hilom

wala magmahay ang kinabuhi sa dihang
nakahukom ka nga ikaw na ang makagagahom

og sa dihang imong gipatay ang kalayong
naghatag og kahayag, kon nakabati ka pa 

unta walay nag-iyak sa kangitngit
ang tanan puros mihagikhik..