2015/05/10

balik sa tunaan tultol sa kabugnaw

didto sa
Cafe Isabel
gisulayan nato
pagbalik ang 
kagahapon, 

gidawat na nato
ang karon

unya bisag unsaon
pa natog
pamakat kabahin
kaniadto

dili malikayan ang
mga mata
nga usahay magtagbo
mosiplat

paspas dayon
ang pagbalik sa karon

ang hisgotan morag
kabaw nga
atong gibalhin

balik sa tunaan
tultol sa kabugnaw
yaka  sa lapok
gipamatay
ang bukbok

didto sa cafe isabel
wala lang gihapon nako
asukari ang akong
kape

Panginhas dire