2015/05/16

sa ugnang gilumutan apan humot sa gihapon.

ang panagpuyo isip
bana og asawa

dili kini kinahanglang
mogamit sa mga pulong

labi na og dugay na kaayo
ang inyong panagsabot

nga sama sa panit sa karaang
kahoy

o dili ba sama sa mga sanga
sa bagon

mahimong dili kamo
magkasinabot

ang panagbulag layo pa
sa kamot nga dili na kakalot

sa likod sa ngipon nga bisag
duna nay lungag

lisod na kaayong ibton gikan
sa tiguwang nga bag-ang

ang mga senyas dili dayag
sa uban dili na nila masabtan

ang yango, ang pagpahaluna
sa mga tudlo diha sa kamot


ang sunod nga lakang
dali ra kaayong matun-an

sama sa saging tundan
sa gabing labo sa kasag

nga undan, sa ugnang gilumutan
apan humot sa gihapon.

Panginhas dire