flores para los muertos

akong gisakyan
kon asa miabot
kuyog ming duha

ang sakyanan sa
gana, duhay ligid
dali ra ang pag
nanimbang kitang
duha kamot sa 
kamot tiil sa tiil.

ang hantongan 
mao ang sitio 
nganlag 
sementeryo,  nya

andam na kos
akong buwak nga
pinalit, buwak para

sa mga buhi nga
gustong mamatay
sa mga buhing patay
nang daan

kadtong wala 
kapanimbang 
ganahang mosim-
hot niini.