2016/11/01

pagpadayag

nagsulat ka
nga ang tinubdan
gikan sa kasingkasing
unya miingon ka
nga kini puros
tinood, walay bakak,
walay trampas,
walay gikuha sa
hangin
sa buwa
sa gabon

maingon nga
dunay gitago
ang kabayong puti
ug itom nga
walay gaatang nga
mobunal sa 
latigo sa ikog sa
pagi

daghang pamaagi
sa pagsulti sa 
tinood sa pagpalid
sa dapaw
sa pagpalutaw sa
mongos nga patay
sa pagsala sa bato
ug sa bulawan

gikan sa gusok
gikan sa bali nga bukog
gikan sa samdan nga
kamot
sa pulsong gaambak
ambak

daghang buwak sa
pader
nga migawas sa
katay
sa gamot nga bagon

nindot lantawon ang
kinurtinahang bentana
ang babayeng gaputong
ang lalakeng misakay
sa kabayo nga 
naghawid sa iyang kalo

hinay hinay lang
hunong hunong usab
hulbot diri hulbot didto
alang sa maanyag nga
pagpadayag 
sa gibati nga dili na
matugkad

Panginhas dire