2016/11/02

sa pagbuhat sa kalipay

natunok si papa sa tuyom
si lolo napaso ang kamot sa dapog

si lola napiskan ug mantika ang palad
si mama natikalbong sa danlog nga dalan

si lolo ang di nako makalimtan sa dihang
miingon siya nga aron dili mapaso 
kinahanglang magpalayo sa dapog

kon magmatngon ko sa tambag nilang tanan
nan, dili ko kasugba sa akong kinaham nga 
bantaan
di ko kaprito sa akong manok
di ko kasaka sa bungtod
di ko kaligo sa dagat

bahala na ug matunok sa tuyom,
mapiskan sa mantika
mapasa sa dapog
o matikalbong sa gilumotan nga
dalan

buhaton ko gayod ang makalipay...

Panginhas dire