2016/12/31

ang batang pait ang dila

kadtong bata nga
nangayo kanimog pinaskohan
kaniadto 
wala nimo hatagi

unta kon dili kote, tirador,
o kon wala man
bisag kalo man lang
nga iyang dalhon samtang
namalhin siya sa imong
kabaw

wala nimo hatagi maong
karon ang maong bata
siging gapait ang dila
kaniadto wala siya mikaon
sud sa usa ka adlaw

karon ayaw pangutana ngano
nga sa iyang pasko
bisag hayahay na siya dili
sab siya kamaong manghatag
kay hangtod karon dulot gihapon
sa iyang kalag ang
pagdumot diha kanimo

Panginhas dire