2016/12/14

kaadlawon diha sa kalisod

gibasa ko ang relo
oo, alas dos singkwentay singko

sa kaadlawon, mibangon ang 
lawas
diha sa kahapdos sa kalag

nga nagniwang kay way 
saktong kaon giuhaw kay way
saktong inom

ang bentana sa balay abri man
ugaling
apan naglutok sa kangitngit
nangalap sa kahayag

wala ang bitoon
ang buwan usab giputungan
sa baga nga panganod

lagom ang langit
bugnaw ang hangin
mikurog ang kamot
dayog tago diha 
sa bulsa mong buslot

Panginhas dire