2016/12/19

si nanay

niadtong namatay si
nanay
usa ka semana ang milabay
mibalik siya

nakamata ko atua siya
sa pultahan dapit sa kusina
diin ang suga gasiga
pa bisag udto na

nagtalikod siya
sama sa ubang mga patay nga
duna pay isulti sa
mga nangabilin nga buhi

nakalitan ko, natikig samtang 
mikalit siyag lingi nako dayog
pahiyom

dayon nawala nga mora bag
dili siya tinood
sama sa usa ka bakak nga 
dili nato damhon
diha sa pagbulad sa adlaw
molubad

Panginhas dire