12/19/2016

ang atong nagkabaga nga kalay-on

bisag nag-abot pa ang atong
mga suwang
naa, ikaw sa akong kalag
layo pas bitoon

ang panahon bairan nga
mipahait sa akong panglantaw
mitalinis sa akong panimhot
gipasinaw ang akong pagbati
ang akong pandungog
lalom pas lanog.

wala pa mahinog ang oras
walay mopyait
sayo pa kaayo aron buhian
ang kabayo sa iyang renda

madungog mo ang bagotbot
sa tuko apan dili mo maaninaw
ang tumong, managsama ang 
tonada, sa matag gabii.

daghang palasyo ang mugnaon
sa akong mga damgo
daghang bangaw ang ibutang didto
mahuman man ang tanang lawak
dili ko pa itaod ang saktong pultahan.

No comments :

Post a Comment

Lami ba?