daghan pa akog adtoon...

gipasagdan ko ikaw
nagpasalig ka man god
nga ikaw karon
makamao na diha sa
pag-inosara

sakyan mo ang tanan
nga posibilidad
balhinan mo ang bisag unsa
ipiyal mo 
ang kaugmaon diha sa
bahala na

nagsabot kita nga ako
magsunod kanimo
wala na ang mga ergo
ang mga eureka ang
mga voila 

unsaon ba ang pagbalik?
sayod ka nga kining pangutanaha
dili ko tubagon
nagsabot kita og tarong
daghan pa akog adtoon