mibalak

unta kon maalisdan lang
ang kasingkasing
nganong di god?

unta kon mahubad ko kining
gugma ko kanimo
sama sa pisi nga gahikot sa ilong
sa kabaw
nganong di god?

kinsa ba ang gustong magtago?
kinsa ba ang kanunay gustong masakitan?
wala baya.

sabta na lang ang akong pagpakahilom
kining akong pagluom-luom
aron lang ako  mabuhi
aron lang ako sa akong sayong kabuntagon
makaginhawa, mopahiyom, mokatawa

palihog ayaw akog suraha bahin anang
gugma-gugma
basin bayag magabaan ka lang
tungod kanako

unta kon wala lang ang babil
nganong dili god?

tarong man god ako nga tawo
gani gahi man ang akong kwelyo
saktog plantsa ang akong polo
pati na ang akong pantalon
sagdi lang ang akong mga mata
ang akong mga kamot
bisan sa kapit-os anaa naningkamot
sa pagpamakak
nanapak, gani, naa ay, intawon,
mibalak.