kalipay sa hubog

sulayi kanang hubog ka
nindot baya, gawasnon kaayo ka
masulti nimo ang wa nimo masulti
mahapak nimo ang wa nimo mahapak.

mobahakhak ka, mokuyog sila
moantog ka, mamati sila.
mosayaw ka, mopakpak sila.
mokanta ka, aw, mamati gyod sila.

kana tungod ka hubog ka.
ugma kon mahuwasan ka,
wala na sab sila.
wala nay mamati nimo.
wala nay mopakpak.
wala na kay hakpon.
wala na ang awit.
wala na ang antog.

wala na. wala na gayod.
busa karong gabii aron mabalik ang
tanan nimong ilusyon
maghubog na sab ka.

usa ka galon nga tuba.
tuloy nga sumsuman.
hagawhaw nga lawak.
abri nga bentana.
ngitngit nga kagabhion.
sama gahapon.