12/19/2016

kabahin ni Menes

bisang gani ang mamaligyaay
sa isda naglikay kaniya kansang
kasuko dili masukod kon baligyaan
mo siya sa isda pareho kamaot
 sa imong nawong...

walay bakante ang mga orasan
naa ang salog nga lampasohan,
ang sagbot nga dampasonon, 
ang sapa nga limasan aron masikop
ang mga isdang tambasakan.

ang pagmahay ni Menes mao ang
pagkamabdos ni Arcelita nga walay
bana, ang pagminyo ni Nonon sa
batan-on nga walay nahot. Ang
pagkuyog ni Aida sa lalaking 
palahubog. Nag-inosara si Menes
sa iyang darohan karon, nakiglalis
sa iyang kabaw nga sangkong ang
sungay.

No comments :

Post a Comment

Lami ba?