12/19/2016

dili ko buang

silotan ko ba ang akong
kaugalingon sa 
pagtambong sa party
nga anaa ka?

wa koy plano nga mohapak
ug bato sa akong agtang.

pagkalapad sa nataran
pagkadako sa langit
pagkalapad sa lawod sa dagat
pagkadaghang isda 
pagkadaghan sa mga isla

unya ikaw gyod? pagkabuang ko kaha
nga moanha aron ikaw ang 
akong makita

nindot ang musika sa spanish guitar nga
akong gipamati
tupad sa bag-ong giipis nga red california wine
unya pagkananam sa hawaiian pizza

kontento na ako ning kalipay sa pag-inosara
labi na nga wala ka na.

No comments :

Post a Comment

Lami ba?