ang kalipay anaa usab kanimo diha sa yanong pamahaw

pagpaingon mo didto
gipahibalo ka na 

dinhing lugara aron ka
malipay magpalimos ka

moluhod ka, ablihan ang 
imong kamot

mohangad ka unya 
mangaliya 

dili sabton nga ikaw
tagaan

magtagad ka mamalihog
mangiyopo

sahay way mohatag 
wala gani molantaw

dili   madugay mahigmata
ka sa maong kalainan

busa mobalik ka sa 
imong balangay

tabok sa suba katkat
sa bukid

hangtod nga moabot
ka sa imong patag

ablihan mo ang pultahan
sulod kag balik

diha sa lamesa ablihan
mo na ang hinukad

anaa ang kan-on, bulad,
kape, ..ug ikaw.