12/16/2016

naay magtultol

ang kaniadto
mas nindot.
ang layo mas
masaaron, 
lunhaw nga dapit
bugnaw sa mata
makahupay sa
dughan.

gibalikan ko ang
kaniadto.
nag-ampo ta sa
Dios sa usa ka
karaang simbahan.
misayaw ang
kasingkasing.
miawit ang hunahuna.

wala nako dugaya
kini. Dili na kini
sila tinood.
sa laing bahin, anaa,
nagpaabot ang 
daghang buluhaton.
mga saad nga
wala pa matuman.
mga damgo nga
nag-atang.
mga umaabot nga
andam na nga
modagan.

ang habog kaayo
nga lugar 
makalilong.
suyupon ka sa yuta
kon molantaw ka
didto sa ubos.
layo lang gihapon kini.
anaa ang imong 
duha ka kamot
nanghawid, nagtagad
sa imong mga sugo.

ikaw ang hari.
pwes, ikaw ang
magbuot.
asa ka man paingon?
ayaw na hunahunaa
naay magtultol.

No comments :

Post a Comment

Lami ba?