12/18/2016

ang prinsipyo sa pagsira sa usa ka pultahan nga wala kaayo masirado

gahapon
wa ka manawag
nagpaabot ko

atong miaging
hwebes
nagpadala kog
kwarta
wa gani ka 
nagpasalamat

karon nagsabot
tang mag-estoryahay
sa Kusina ni Manay
apan wa ka mitunga
wa gani ka nagtext
kon asa ka na

miuli ko sa atong
kasagarang
puy-an kon magkita
tas Sinaman

ang pultahan 
katunga abri, maong
aron mahuman
ako na lang usab
nga gisirad-an

ang yabe nga
dili na magamit
akong gilabay didto
sa suba sa
Malala.

kon masaypan nga
paon sa isda
unta mabusog siya.

No comments :

Post a Comment

Lami ba?