2016/03/13

ang gamhanang adlaw

gihanongan sa mga
dahon sa starapple ang
kapayas

unya ang kapayas usab ang
naghatag sa hanong sa imong pinalanggang
azalea

ang dakong punoan sa mangga
karaan kay sa panahon sa mga
hapon dia na man kini dinhi
gani sa wala pa kita
nangatawo

mao ang naghatag sa hanong sa
tanang hanong

dili na mamuwak ang azalea
dili na sab kabunga ang mga kapayas
og ang starapple nangandoy
og kahayag nga iyang pagkaon

nakita kini sa adlaw nga tag-iya
sa kahayag
ang gamhanan
apan sayod ka sa maong panghitabo

wala kini gihimo
wala kini mahimo
bisan naa ang gahum kaniya
sa pagpatay sa hanong
sa pagbahinbahin sa kahayag
apan dili siya mangilabot

kon dili ka mamunga
kon dili ka mamuwak
imo ra kana.

Panginhas dire