2016/03/11

pagsalop pagsubang sa adlaw

wa damha
nagkita ta pag-usab
sa boracay

gadung kas station 1
 dapit didtos grotto
diin kon mosubang 
na gani ang adlaw
nindot pas hayahay

karong gabhiona
akong gibalikan ang
imong larawan
nga akong gi-save
sa akong computer

 gwapa ka gihapon
sa maong larawan
nindot ang imong
lawas nga nabasa
sa dagat nga gitabilan
sa nipis nga sapot 

kadtong nagkita ta
nga kadyot ra kay
lagi gadali ka (nga
sa akong pangwenta
morag imong kong
gilikayan unya 
kasabot sab kos imong
mga katuyoan)

morag lalom na man
ang imong mga mata
nakita nako ang dulom
unya ang imong
pamanit morag 
maayo na nga
pagkagasto o kaha ba
nasobrahan ra nimog
pahalok sa adlaw

gusto pa unta gani
kong makigsulti nimo
bahin kanato
apan kasabot kos imong
mga kalingawan

mayrag mawa ka na
sa hangtod
di na sab ko ganahang
magsakit na pod ang
akong dughan

mosalop mosubang ang
adlaw
unya ako rang usa ang
maglantaw

Panginhas dire