ang atong papel de hapon

gipangita ta ang
kaanyag
gisusi nato kon asa
ang nahulog nga
paglaum
gisulayan natog
tapok balik ang
kamatooran
giinon nato ang 
kagabhion sama sa
pait nga kinilkig
tambal sa
gihiloan tang
panahon

kita ang nagdaot
nga moaayo sa atong
tagsa-tagsa ka
kaugalingon

kon dili kita molihok
unsa kaha ang ugma?

itom pas alkitran
ang atong kapalaran
 
naputlag pako nga
alibangbang

kita ang mga pulang
hulmigas nga 
moalsa sa dahon

kita ang buhi nga
molubong sa mga
patay.