2016/03/19

Diha sa plano nga pagbalhin

sa dihang mihangyo ka nga magtukod kitag
balay didto sa syudad
dali ra dayon akong mibalibad

dinhi tag-as na kaayo ang mga kahoy
lalom na pod kaayo og gikutkutan ang mga gamot
nasinati ko na ang pinulungan ang inawitan sa mga 
langgam, labi na ang mga tamsi apil na gani ang mga uwak
kabisado na nako ang matag bato 
ang kabugnaw sa hangin pati na gani ang grano sa abog

kon mobalhin kita dinhi
basin og dili na ako mabuhi.

putlon mo ang akong mga sanga
lukaton mo ang akong mga gamot
paliron mo ang akong mga laya na nga dahon.

Panginhas dire