diha sa hapit na nga kasina

karong buntaga
nakita mo ang iyang korona

lain na usang prinsepe sa
pagamit sa pulong

hinuklog: gusto mo ba usab?
para unsa ba? hmm

nasina ka? di ba nindot
nga maglakaw sa karsada

suot ang kapa ang korona
kuyog ang mga alalay

hmm, kataw-anan labi na
sa merkado o kaha ba

sa taboan samtang namaligya
kag kamoteng kahoy

o tinarong ginamos o kaha
ba binogkos nga utan

nindot ang kagawasan
walay giihap, walay bantayan

wala ang unsa og unsa og 
ngano ug ngano

buhok ang korona
pahiyom ang gingharian

lawas ang simbahan
kamot ang agianan