2016/03/13

pagkamalinawon

daghang pamaagi
sa paghugot sa tagkos
aron dili
mahilos

daghang pamaagi sa
paghipos sa gatuagsa
aron nindot lantawon

naay pamaagi sa 
pagplastada sa ngabil
aron mahipos nimo
ang kahilom

sama sa lugas sa humay
diha sa imong
samin nga lamesa

nga sa iyang pagkagamay
nahimong dako kaayo
lantawon

sirado, lig-on, hilom
kinsa bay makatoo nga kini
siya mao ang
umahan...

Panginhas dire