tonada sa aw-aw

ang tonada sa aw-aw
sa iro

magsulti kanimo kon
ang miabot

mao ba ang amo
o ang
tulisan,

o kaha ba ang
kalag o kaha ba ang
sigbin

bisan sa kadugayon nga
ikaw nawala na dinhi

ug gani nalimtan na hapit
sa mga nagmahal kanimo

walay paglubad ang aw-aw
sa atong iro

sa dihang miabot na ang iyang
pinalanggang
agalon

gibuhos niya ang tanang kalipay
diha sa kawil sa iyang ikog