2016/03/02

tayong lahat ay may pananagutan

"walang nabubuhay para sa sarili lamang"

sa imong kalaug
sa habog mong pader
sa sirado mong pultahan
miabot ang imong
mga bisita nga wala
nimo imbitaha:

si diabetes, si
hypertension,
si arthritis

"tayong lahat ay may pananagutan"

wala ka mahadlok
daghan kag kwarta nga
gastohon sa
imong pagpatambal
sobra pa gani ang
imong ibayad sa
mga ispesyalistang doktor
machonghua man o
masuccor

"tayong lahat ay tinipon ng Dios"

hangtod nga miabot
ang hawod nga bisita nga
wala gihapon nimo
imbitaha:

si leukemia

naluspad ka
sa kanunay mora
kag si dracula nga
mangitag dugo
aron iabono sa lawas
mong di na makamao
kon unsaon
paghimo ang pula nga
dugo
aron ka mabuhi

wala nay gamit ang
imong kwarta karon
unya kalit ka nga
nahimong manggihatagon
nangabri sa pultahan
sa mga pobre nimong
mga paryente ug
silingan
makalolooy ang imong
pahiyom
unya ang mga tingog
sa pagpaubos
ubos pas ubos

miamot kag dako sa
simbahan
sa mga sibiko nga
kalihokan
miadto ka sa Simala
sa pamasin nga
unta maapil ka sa
himala

apan ulahi na ang tanan
miabot na ang gaba ug ang
pagpanudya
sa imong mga gidaug-daog
ug giilad
(kadtong imong gipapatay
kadtong imong
gilugos ug uban pa)


 "tayong lahat ay may pananagutan sa isa't isa
tayong lahat ay tinipon ng Diyos na kapilig niya
sa ating pagmamahalan at paglilingkod sa kanino man
tayo ay magdadla nga balita sa kaligtasan"

pagkaanindot sa pinakamahal nimo nga lungon
unya ikaw ang patay nga ilang giingon

asa kaha ka paingon? 
ug unsa pod kaha ang
imong dalhon?
 

Panginhas dire