2016/03/02

kay-ag

inig abot nimo
mangalipay ang mga
iro
magdagandagan
ambak-ambak 
magtuyoktuyok
sa sulod sa
balay

unya ako magkabuang
og butang balik sa
mga katag nga akong
gikay-ag

ang alugnan gikan sa
salog ibalik sa
higdaanan
ang lingkoranan nga
atua sa
kasilyas ibalik 
tupad sa altar diin
makatingala ngano nga
ang mata sa
santo niƱo nga atong
gipalit sa colon
usa na man
lang

ang mga aw-aw sa iro
nahimong budjong nga
motug-an kanako sa imong
pag-abot 
aron ako makapangandam
sa pagtubag
unya sa imong mga pangutana
 
unya paspasan nako paghapsay
ang akong gubot nga
hunahuna 
pagpahiluna sa akong mga
bakak
sulod sa panahon nga
atong pang 
pagasaloan


sa usa ka pamahaw nga
gusto natong himoong
hangtod sa 
kahangtoran

Panginhas dire