2016/11/05

ang daotang balita

adunay balita nga
miabot nga dili ka pa andam
sa pagdawat

nga sa milabay na ang
mga oras
dili mo pa gayod madawat

ang imong manghod
miagulo sa kasakit
durong iyak,

ang imong magulang
nga lalaki
gisuntok ang iyang
dughan

nakuratan ka,
wa kasabot kon unsay buhaton
nahilom kadyot
mituyok ang imong kalibotan
nawala ka

sama sa daotang balita
nga dili mo madawat
ikaw usab
dili na nila mahikap


sa bagyong miabot ikaw
ang laing daotang balita
nga dili na usab nila
madawat

Panginhas dire