2016/11/04

tu qouque

kabalo ko nga sila
mga walay puangod

kabalo sab ka ana
bahin sa mga salbahis

naa nga misyagit kabahin 
sa sunog
walay nanumbaling

walay tubig, walay balde,
walay bombero

ang mga lampingasan
daghan, pagkabaga sa pagkadaghan

hait ang suwab sa kasilag
habol ra kaayo ang kalooy

sayod kita bahin niana
naagian na nato kining tanan

kabisado nato, gikan kita
didto, sayod sab kita asa paingon

kining tanan, dili ta malisang,
dili ta maglibog, kay usab kita

kon makatsansa diha sa
panimalo, haskang sab salbahisa.

Panginhas dire