abi kog nahibalo ka na

si jaime
naningkamot intawon
nangitag sapi
nagtigom

para unsa kaha?

ibuhi sa dili
nimo anak?
ipadala sa asawa
nga
kanunayng nagnganga?

kasayang sa panahon
kasayang sa pag-antos

human niini
matunaw ang mga adlaw
nagtulo ang panahon
nahulog ang mga lugas sa
panumduman didto
sa yuta
nga kanunayng andam
sa pagpapas
sa tanang panumduman

unta kon gilibot mo pa
ang kalibotan
makita mo unta ang
hulagway sa 
tanan

ang mapapas
ang mawala
ang modahili
ang mga
nalunod ang
mga gitilawan dayog
tulon
sa dakong baba sa
kalibotan
sa bakunawa sa
langit

abi kog nakahibalo ka
na nga dinhing
dapita walay molungtad.