2016/12/07

ang balikwaot

gikalipay nato 
ang pagpamatay sa 
kriminal

nagtagay ta
sa tumang kalipay
dihang
natumba na usab ang
atong kaaway

mga hudas
mga salbahis
wad-on na kamo
karon sa kalibotan

magmalipayon na
kami dinhi
ang among mga anak
dili na kabalak-an

apan dunay miabot
nga usa ka higayon

usa ka adlaw niana
ikaw ang giatngan
gipanaog sa sakyanan
gibakli, gipatalikod,
gipahapa sa basa nga
dalan

gipangutana ka
asa ang shabu? asa ang
imong shabu?

apan wala kay shabu
apan anaa ang ilang shabu
alang kanimo

giposasan ka
nagpalaban ka
apan kang kinsa?

ikaw na karon ang
bag-ong nadakpan
nga sama sa uban
dili gayod unta
sad-an

Panginhas dire