2016/12/07

ang bildo diha kaniya

kon dugangan ko pa
ang dili mo masabtan
mosamot kabug-at ang
diha sa imong agtang

dili tanang gipanugilon
nagdalag kahayag, sama
sa kalibotan, sahay ang
gidala usa ka kagabhion
nga tumang kangitngit

dunay mas abtik pa nato
nga mas makakita sa 
kangitngit, moagik-ik
manglabtik, hagtik, 

apan dunay apan, kay
kon didto na usab siya
sa atong kahayag, siya
sama sa bildo, mabuak.

Panginhas dire