bisan gani akong inahan, iya mang gitilapan.

naay kalayo sulod sa akong dughan,kon
dili pa ako kamaong modala, mahimong
hagbay ra akong nasunog, nahimong abo,
diha sa imong tiilan.

apan nakat-onan ko ra gihapon kini, kon
unsaon nga siya mahimong usa ka itoy, 
nga kon moingon kog lingkod, molingkod,
ug kon moingon kog sayaw, mosayaw.

kon unta nagpasagad lamang ako, ug wala
maminaw, wala magtagad sa angayan nga
tun-an, ikaw nga akong gitipigan, basin ug
nakaon na usab ning kalayong di kasaligan,
bisan gani akong inahan, iya mang gitilapan.