2016/12/06

lamay sa patay

walay nagsugo kanato
nga magbilar
aron pagpadayon sa
pagsulat ug balak

kinsa man goy magtoyo
anang samad sa kumagko?

bisan gani ako natingala
nganong gibuhat ko kini

seguro  nangita kog 
tambal sa samad sa akong
tudlo 

anaa ra ang hait nga kutsilyo
kinsa bay magtuyo?

dugay ra kitang nangitag
kalipay
apan wala gayod kini sa
atong balay

dunay kalipay apan dili
man para kanato

nagsigi kitag pangita sa
mga katarungan

unya samtang dili pa kini
makaplagan

magpadayon gayod ang
 lamay sa patay.

Panginhas dire