2016/04/06

ang kagaan

kon sutaon
human sa tumang
pagtimbangtimbang

mas bug-at ang
pulong kaysa 
larawan

labaw nga bug-at
ang balak
kaysa imong
gidibuho nga
lawas

mapiit ka
gani mapidyat pa
kon imong
pugson pagdala
kon imong
inaton kon imong
birahon

apan kon imong
lantawon, paaboton,
pasagdan
haskang lingawa
haskang gaana

morag ginhawa nga
imong gipatong diha
sa imong palad

morag gapnod nga 
imong
gitilapan sa dila
dayog paak
sa imong baba

Panginhas dire