4/01/2016

kabahin ni Panoy

mibalik kanako ang
kabahin ni Panoy, ang apo sa
igsoon sa akong mama,

gipatay niya ang iyang
amahan
human siya gisipa niini
nahawiran ang sanggot
nga iyang
gamit sa pagpananggot

wa niya matuho nga kini
maoy iyang gigamit sa
pag-abis sa liog sa 
nagdagmal kaniya

wala siya mapriso
giabis sab niya ang iyang
kinabuhi

ang lugar sa Gata nagpabiling
ngil-ad
nga kon nawong pa kini sa
babaye
pagkalaksot gayod

apan dunay akong nahinumdumang
punoang sa kalachuchi didto
nga walay undang
sa pagpamulak

kami ni Panoy kaniadto sa bata
pa maoy tigpanilhig sa mga buwak
nga walay ganahan nga
mamunit

No comments :

Post a Comment

Lami ba?