alang sa nahulog nga bitoon

nahulog nga
bitoon

pagkalooy

wala ka na
sa langit
wala na usab
ang imong
kahayag

asa ka na kaha
nako pangitaon
karon

nahulog ka kagabii
mitipon sa
kangitngit
sa mga kabatoan
o kaha
ba didto sa lawod
sa dagat
o kaha ba
didto sa mga balas
sa baybayon

gibati ko ikaw
asa ka na kaha?

nahisama ka na
kanamo

ayaw kawala
sa paglaom

paningkamot nga
unta
diha sa imong
nahulugan
mogamot ka
magpatubo ka
pag-usab
sa imong kahayag