2016/04/06

pakigbugno

mitoo man god
ako sa akong kaugalingon
wala nako
panumbalinga ang
imong mga
tambag

kon mamati ako
mahimong lisod kaayo
ang tanan

moanggol ako diha nimo
bantayan nako nga
ako basig nasayop
unya sa kanunay maghangad
ako nimo
nga morag ikaw ang akong
ginoo

kapait ba
gihimo mo mang bug-at ang
para kanako nga gaan
gihimo mong taas ang
unta mubo ra man
gilisodlisod mi nimo
samtang ikaw

oo, ikaw unsa ba usab
ang imong nahimo?  morag
wala man dagway

samtang kami nga sa
imong panglantaw
buta
o kon makita man
maot ang
panglantaw

ania, naghago sa matag
adlaw
kulipad kulipad sa
bisan unsa na lang

wala na namo damgoha
pa nga makab-ot ang langit
ania gidaro namo ang
umahan
gidampas ang mga sagbot
gitisok ang mga lugas
ang mga sanga

aduna kami paaboton ugma
unya humag panilhig sa balay
humag hipos sa mga kubyertos
matulog

magdamgo, kab-oton ang
gipangita nga bisag gamay
nga lang nga pahulay

human usab sa ginagmayng bugno
sa mga kaaway sa among
mga kapalaran

Panginhas dire