2016/04/05

aron walay makawang

giwala ka sa dalan sa
lawalawa nga sa laway
nakahimo og lanaw nga
mohakop sa mga walay
kalibotan, nasangit, 
nasakpan, nawad-ang
paglaom kon unsayon 
pagluwas ang 
kaugalingon, giwala ka
sa pasing,nahimo kang
walay buot diha sa mga
panaghap diha sa mga
hapuhap, hantod sa hamtong
na ang hantonganan
sa dalan, giwalawala ka niya.
abi mog dunay pulos, wala.
walay lawa dinhi sa laway
sa lantipay, ang tuway kin-as
sa kanaway.

giwalawala ka sa duwa sa
pung. Mga way pus. Mga
wiris-wiris lamang aron
patyon ang oras. Kon
ikaw sa usa ka yugto mopatol
sa buang. Sa usa ka gutlo
magyawyaw diha sa mga
latagaw nga langaw. 
Kinahanglan mo kaha
aron way makawang?

Panginhas dire