2016/04/06

ang nagdali

kahinumdom ko nimo
siging gadali siging gadali

sayo sa kaadlawon
andam na ang tanan kay
moadto sa clarin

siging kasuko kay nganong
ang tanan langayan
lihok og mananambal
maoy imong kanunay nga
bagotbot

inig abot sa clarin
kadyot man lang ta didto
gadali na ka usab kay
mamauli na sa dipolog

suko ka na usab kay kaming
nagmalipayon didto
langayan

wa ka mangutana nganong
kaming mga langayan
mas malipayon man kaysa
imo?

nalangay kami sa panagsalo
sa among mga katawa
nalangay kami sa among
mga paghimamat
nalangay kami sa among
mga pangumusta

nakapangutana si inse
nganong nagdali ka man?
unsa ba ang mga katarungan?
wala pa ba nimo makita ang
dugay na nga nawala?

Panginhas dire