walay pulos ang kaduol

wa ko masayod
nga anaa ka diay diha
sa halayong dapit
mibasa kanako,

gamay na gayod ang
kalibotan
mora rag ako misyagit
unya anaa ka ra diha
sa pikas kwarto namati

apan bisan sa kadulo
(nga plywood lang ang
pagitan)
sayod ko nga dili ka
katabang
sayod ka usab nga
ako dili mangayo
ug tabang

mao nga wala nay pulos
ang kaduol
mas nindot man gani
ang kalayo nga atong
nasabtan
kay walay usa kanato 
nga sa ugma
masakitan