2016/04/06

sa nagbasa

kita nga nagbasa
moingon, 'dugay kon na unta
kini nga gisulat,
naunhan lang ko nimo"

mipadayon kita sa
pagbasa, " morag kabalo
ko ani,
morag ako ni
morag naagian ko na
ang iyang naagian"

gisirado mo usa ang
libro, 
mihilak ka,

"kaisog gayod niya,
dakong katakus ang pagsulat"

nga mora kag naghubo
sa atubangan sa
nagbasa
unya gipakita mo
ang ulat sa
imong dughan

giwahing mo ang buhok
sa walang bahin sa imong
ulo
unya gipakita mo ang imong
pahak

moingon ka
dili nako masulat ang
kabahin nako

dili gayod. daghan
ang masakitan

Panginhas dire