kalipay....

kana bang
pagbati diin ikaw namasol sa daplin sa suba

gihawiran nimo ang pasol human
og taod sa paon didto sa taga

unya human sa dugay nga pagpaabot
naay haloan nga nasalaag ug gutom

dayon niyag tulon sa tanan: paon sa
taga unya imong gikalit og bira unya

ang isda gakisikisi nga karon imo
na gayod siya apan nahunahunaan sab

nimo nga dili ka kahibalo kon unsaon
kini siya pagluto aron imong isud-an

sa imong pamahaw ug busa imo kini
siyang gihawiran dayon nimog labay

balik didto sa suba diin siya naglatagaw
apan karon dili na gutom.