2016/08/20

adik

walay tawong
sunugon ang balay
tungod lang kay
naay usa ka bagtok
nga mitago
sa kisame,

kon duna man
ugaling

adik
na.

kahinumdom kas
anak ni bulgor nga gisunog ang
ilang balay
tungod kay wa tagai sa iyang
inahan ug
ipalit ug
shabu?

adik
to.

apil na ang anak ni puloy
nga gibaligya ang iyang adidas nga
sapatos nga regalo sa iyang
inahan nga nangamaw sa amerika
ug dos sientos pesos
aron lang
ipalit ug usa ka sachet
nga shabu

adik pod
to.

busa ayaw kog ingna nga sayop ang
ilang gihimo sa dihang miabot ang panahon
sa pagpanglimpyo

Panginhas dire