2016/08/06

sukna sa karaang buang sa katipunan

dunay nagyawyaw sayong
kaadlawon
sa plaza magsaysay atbang
sa simbahan sa san vicente ferrer
nga nakapatindog sa pulis
aron lantawon kon duna bay
gaaway sa unahan
nga mora bag wa siya kahibalo
nga dinhing lugara dugay na
kaayo kining buanga maong namasin
ko nga seguro kining pulisa nga
nagbonnet bag-o pa dinhing lugara
kay ngano mang wa siya kahibalo
nga kadtong nagyawyaw 
inila na man gayod nga
buang sa lungsod
sa katipunan nga kon duolon niya
kini basin ug mahimong kataw-anan
kon ang buang mangutana  kaniya
kon siya suknaon sa iyang kasabaan,
"wa ka kaila nako?"

Panginhas dire