pagmahay sa usa ka talawan

kadtong larawan
nga wala lang unta kaniadto
sa imong pagbiya
nahimong bathala na 
kanako

sa kadogayon nakog
handom nimo
nahimo na kining
anggid-anggid
 kanimo

kadtong mga mata nga
blanko
diha sa larawan mikihat
kanako

ang ngabil nga papel
nahimong buhi

ug ngano ba kaha nga
wala man ako
nakagahom pagsulay
bisan na lang diha sa pagsulay
sa paghawid
bisan na lang gani diha
sa imong
usa ka kamot