2016/08/02

ang-ang

sugdan ang
unang ang-ang
maghatag
sa kalami sa
lakang, 
ang unang 
tikang dili
tikay-ang.

dayon ang sunod
laing mas
habog nga ang-ang
ganadong
tikang
morag buyangyang,

laing pang ang-ang
diha sa hagdan
pasaka
pahabog
mosamot kaanindot
ang padodot,

sama sa
naandang ang-ang
atua sa taas
ang pultahan

sulod,
ug dinhi na kutob
kay ikaw
mawala

dili ka kabalik
walay 
makabalik
walay mibalik

apil ako
sa wala na
masayod, busa

dinhi na lang 
usab ako
kutob.... 

Panginhas dire