2016/08/08

deja vu

pulo ka tuig ang
taliwala kanato busa

bisan kanus-a dili  ko
moangkon nga ang
atong pusod
nagsumpay

wala koy madungog
nga maayo kanimo sama
nga ako usab
usa ka tawong wala nimo
nailhan bisan kanus-a
bisag nagtubo kita sa usa ka
balay
nagsalo kita sa usa ka yahong
nga sabaw

nahurot na ang akong pagsulay
diha sa pagyukbo
diha sa pagluhod napaksi
na ang panit sa akong tuhod
gihutoy na ako sa
pagsulay ug sabat sa imong
mga alawiton

mas tambal kanato ang
pagpalayo
ako mao ako
ikaw mao ikaw

adunay magsoon nga dili
higala
adunay kaila nga dili mo
makuyog sa panaw
adunay estranghero nga miabot
sa tindahan sa dihang kusog
ang ulan
mipahiyom kini
misalo sa imong lamesa
unya gibati nimo nga
kaila na kamo 
apan dili mo matino kon asa 
kon kanus-a

nga mora bag usa ra ang inyong
kasingkasing
unya ang katunga sa imong
lawas
iyaha....

Panginhas dire