2016/08/17

ang itom nga alibangbang

ang itom nga
alibangbang misulod na usab
sa balay

naglibotlibot nga mora bag
dunay gipangita

ako nga nagtanga sa bentana
wala mangambat

hangtod nga kini mitugdong
sa akong kamot

sayod ko nga kini siya dili
magdugay

gilantaw ko ang hardin sa mga
buwak

mihangad ako sa mga panganod
mihanggab sa hangin

ug tuod man sama sa iyang 
naandan ang itom nga alibangbang

wala gayod magdugay, milupad
pag-usab, dunay gipangita nga

wala na diri kanako,....

Panginhas dire