kahaw-ang

gibalikan ko ikaw

dili nako maantos

nga ikaw usa ka 

kaban nga walay 

sulod, mahimong ako

ang usa sa mga sulat

nga tagoan mo sa kaban

nga dili angayang 

basahon sa uban, 

mahimong ako ang

imong tinan-ogan nga

tinagoan, dili mahinog


dili sab malata, 

usa lang ang katuyoan

nga sa akong kalooy

adunay sulod ikaw nga

kaban nga sa dugay na

nga panahon naghambin

sa tumang kahaw-ang

nga bisan ug usa ka 

sulat lamang bisan ug

walay pulong bisan ug

walay sulod usab anaa

nahaluna sulod sa 

imong kahaw-ang....